Email de despedida del hasta hace nada Director general de la esedé.

Basicamente, esto lo que teneis aqui es un corta pega del email que envía, como despedida, el hasta hace anda director Xeral de la esedé.

Ola ________,
Escriboche este e-mail como Álex Piñeiro, director xeral da SD Compostela durante a tempada 14/15, para darche as grazas polo teu apoio e pola túa colaboración durante esta etapa tan maravillosa que ven de rematar, e para anunciarche que non vou a continuar ligado á SD Compostela na próxima tempada 15/16.
Foi unha honra poder formar parte dun clube histórico como a SD Compostela, e poñer o meu gran de area na recuperación da ilusión do compostelanismo e na profesionalización do noso clube.
Para poder facer un balance do traballo realizado, é importante recuperar a perspectiva de cómo estaban as cousas no Compos fai un ano, en maio de 2014, e da situación na que atopei o clube á miña chegada:

• O equipo de 2aB rematou a tempada 13/14 no posto 13, con 44 puntos en 36 partidos e sufrindo para manter a categoría ata a penúltima xornada de liga, a pesares de contar co dianteiro máis determinante da categoría (Joselu, que anotou 30 goles).
• A comunicación externa do clube cos nosos aficionados era case inexistente, cunha web obsoleta, mínima actividade nas redes sociais, e unha imaxe pobre e degradada, ata o punto de que a día 8 de xuño só 304 afeccionados renovaran o seu abono para a tempada 14/15 a pesares da promoción de precios populares vixente.
• Existía un gran malestar na xestión do noso fútbol base, que culminou nun escrito firmado por 71 pais dos nenos protestando pola subida de cuotas proposta e plantexándose a posibilidade de deixar o clube na seguinte tempada.
• A nivel interno, atopei graves problemas na organización do clube, confusión nas funcións a realizar por varios colaboradores e membros da directiva, falta de definición desas funcións en outros casos, unha xestión económica deficiente, e graves problemas de comunicación en xeral.

Case un ano despois, esta é a situación obxectiva do clube:

• O equipo de 2aB rematou a tempada na sexta posición da liga, con 61 puntos en 38 xornadas, e clasificouse para disputar a Copa do Rei 15/16, manténdose na loita polos postos de playoff ata a penúltima xornada de liga.
• O clube duplicou o seu número de abonados de pago nesta tempada (pasamos de 949 a 1943), cun incremento na recaudación por abonos e taquillas dun 43,9% con respecto á de 13/14.
• Melloramos substancialmente a imaxe do clube, cunha nova web moderna e adaptada a dispositivos móviles, e con tenda online propia.
• Melloramos tamén moito a comunicación cos nosos afeccionados, a través da nosa web, redes sociais (facebook e twitter), e da posta en marcha dun newsletter semanal para achegarvos toda a actualidade do clube.
• Recuperamos a normalidade no funcionamento do noso fútbol base, rebaixando incluso as cuotas dos rapaces, e conseguindo ademáis unha maior implicación dos afeccionados en fitos coma a loita polos ascensos dos nosos equipos xuvenil A, xuvenil B ou o Infantil.
• A nivel interno, creouse un novo organigrama de funcionamento que permitiu clarificar as funcións de cada persoa e o seu ámbito de acción, así como un Comité Executivo para supervisar o correcto funcionamento de cada unha das áreas do clube.

Polo tanto, creo que o balance desta tempada é claramente positivo, pois se acadaron mellores resultados sociais e deportivos a pesares de reducirmos o presuposto do clube, e que estamos pouco a pouco recuperando a ilusión da cidade de Santiago e comarca no noso proxecto deportivo e social. Contribuimos a mellorar a imaxe do clube entre os nosos afeccionados, e sentamos as bases para a captación dunha maior masa social, apoios institucionais, contratos de publicidade, e patrocinios empresariais.

Por todos estes motivos, síntome orgulloso do labor realizado e dos éxitos acadados, así como por suposto moi agradecido ó equipo de traballo que fixo posible todo isto. Neste equipo de traballo participaron a meirande parte do persoal e dos colaboradores do clube, xogadores e adestradores tanto do primeiro equipo como da base, e membros da directiva. Ademáis, este labor non tería sido posible sen a axuda e a colaboración de abonados e afeccionados coma ti, dos medios de comunicación locais e rexionais, dos nosos patrocinadores, e das institucións que nos apoiaron.

Gustaríame pechar esta etapa, breve pero moi intensa, despedíndome formalmente de ti, e dándoche as grazas por estares ahí connosco durante toda a tempada e polas mostras de cariño que recibín tanto en persoa como a través do correo electrónico. Sodes vós, os nosos afeccionados, o eixe en torno ao cal xira a existencia da SD Compostela, e o motivo polo que pagaron a pena todos os esforzos realizados durante esta inolvidable tempada 14/15.