A campaña de socios da SD Compostela esténdese a Praza Galicia
Ø Desde mañá os afeccionados do Compostela tamén poderán adquirir o seu abono na caseta municipal de información turística de Praza Galicia
Santiago de Compostela, 16 de agosto de 2011.- A SD Compostela continúa coa súa campaña de captación de socios de cara ao inicio da próxima tempada. Ata o momento, máis de medio millar de persoas xa retiraron o seu abono nas oficinas do club.
Desde mañá, mércores 17 agosto, todos os que o desexen poderán adquirir o seu carné de socio na caseta de información turística situada en Praza Galicia en horario de 10.00 a 13.00 horas e de 17.00 a 20.00 horas.
A SD Compostela busca co seu novo proxecto o apoio do afeccionado para arroupar o equipo e volver a facer do conxunto santiagués un club grande.
Lembramos os prezos dos abonos: socio individual, 50 euros -válido para dúas persoas-. Abono familiar, 150 euros -válido para seis persoas-. Socio de honra, pensado para empresas e patrocinadores, 250 euros -válido para seis persoas-. As persoas con minusvalía e menores de 15 anos terán entrada de balde, así como os xogadores federados.
Vitoria no trofeo de Portonovo
O conxunto branquiazul gañou 2-3 o amistoso disputado onte co Portonovo CF. O Compostela remontou o 2-0 inicial cos goles de David Louro, Martín González e Imanol.
No hay comentarios:
Publicar un comentario