As Pontes 6-2 Sd Compostela

Al final, la racha como visitante se acabó, y de que manera.
La cronica que aqui pego, la he sacado del diario de ferrol.
Los Goles, del compos fueron obra de Alfonso y Lago.

Crónica del Diario de Ferrol, edicion digital del dia 7 de Noviembre.

As Pontes e Compostela deron tantos e espectáculo

XOSE CENDÁN AS PONTES

O As Pontes reencontrouse co gol nun partido que servíu para derrotar ó Compostela e confirma-la liña de recuperación do nivel que se lle presume. Seis a dous foi o marcador final dun choque bonito, no que os dous equipos foron polos tres puntos, e no que os locais impuxeron a súa maior calidade. Todo se puña de cara cando, no primeiro minuto, Seco enganchaba un balón morto na frontal e abría o marcador co 1-0. Os santiagueses seguiron sen facer concesión algunha á especulación e mantiveron o seu xogo valente de toque, diante dun rival que actuaba cómodo agardando o roubo para sair ben dende as bandas.
O 2-0 chegaba ós 21 minutos nunha gran carreira de Dopico que se bastou só para resolver unha vertixinosa contra. O plantexamento valente dos composteláns, que sempre xogaron cara adiante, tivo recompensa co primeiro gol. Outro fermoso tanto o de Alfonso, que ós 27 minutos recibía un balón fóra da área nun saque de corner moi aberto e mandaba o esférico á escadra. O gol veu nunha acción de estratexia, porque en xogo, os visitantes non acababan de crear perigo.

Para despexar calquera dúbida da solvencia da ventaxa pontesa chegaba o 3-1. No minuto 29, Negrín aproveita un erro do porteiro, que non atalla ben o balón, e marca a pracer. Aínda quedaba por ver outro gol de fermosa factura nesta primeira parte. Era o cuarto, no minuto 42, nun cabezazo de libro de Aguado a centro de Seco. A sorpresa viría nun centro do lateral da SD Compostela Lago, que tomou un efecto envelenado e converteuse no 4-2 no último minuto antes do descanso, co que todo quedaba ata certo punto aberto para a segunda metade.

Ritmo > Trala reanudación, os de Germán Amil baixaron o ritmo dun partido que tiñan en franquía, e mantiveron a posesión perante un rival que voltou demostrar unha grande capacidade de brega, pero a inocencia propia dun equipo moi novo. Para evitar males maiores Aguado abríu as distancias con outro gran gol. Unha volea dende fóra do área que subía o quinto para os locais no minuto 72. E, só dous minutos máis tarde, Pedro sumouse á festa pontesa co seu tanto. Marcou de penalti, logo dunha acción da defensa santiaguesa sobre Negrín.

Os ponteses reforzan así a súa moral diante da complicada saida á casa do Ordes.